سلام عليكــم ورحمـة الله وبركاتــه ،،
من المعروف ان كل شخص في العالم يكدب ويكدب ويكدب ولو بكدبة بيضاء
ومن المعروف ايضا ان المجتمع ينظر لطالب الطب بانه القدوة في الاخلاق
لكن لما تجي واتشوف ان اكثر ناس تكدب هما طلبة الطب بالذات ..........
هدي والله نقفو عليها ونتكلمو وانديرو فيه موضوع وفي منتدى الكساد ...
وانا زيني زيكم طالب طب ونكدب...لكن مش زي ما نشوف ونسمع..... والاعياذ بالله ...
فانظر كيف ومتى يكذب :
1.تجي تسأله شن جو القراية .....يقول : واللللللللللله خاشة بعضها
2.تجي تسأله شن قريت امس .....يقول : والله ما مسيت فيها حاجة
3.تجي تساله منين تقرا المادة الفلانية من تكست ولاشيت .... يقول: انا بروحي قاعد ما نعرفش منين نقرا
4.تجي تساله اليوم لما بتروح للحوش شن بدير ..يقول : انروح نرقد بعتالى نتفرج عالمباراة
وبعتالي نمشي القهوة ناخدلي شوية ارقيلة.. وبعدين نرقد ....(.وما يدويش عالقراية بكل)
5.تجي تساله قريب نص السنة شن جوك مع المادة الفلانية يقول : واللله ما نعرف فيها حاجة
6.تجي تساله باهي انت خاش دورات يقول:: لالالا .....انا من عمري مش متع دورات ولا عمري نعرفهم
7.تجي تسأله قريت للامتحان ...يقول : والللله ما نعرف لا منين نقرا ولا منين نبدا
8.تجي تساله قبل الامتحان بشوية.....يقول : واللللله ما كملت وانا خاش بنص المنهج بس
9.تجي تسأله بعد الامتحان على طول ....يقول : اسكت وخلين في حالي..لبزته تلبيزة باهية وخششتها بعضها
10.تجي تساله يوم النتيجة شني صفيت :يقول : كيف عدا حشومة ....صفيتهم ممتــاز ( الوحيدة مش كذب )
11.تجي تساله شكلك نقلت مليح في الامتحان ( غشيت ) : عيب يا راجل كيف تقول هالكلام ...انا طالب طب وما نغشش ...كيف بنطلع دكتور وتحتي مرضى ...ونغشو ...ما يصيرش منه الكلام هدا
نبي انقوللكم ان هدا الطالب يقرا كل يوم اول باول ومن تكست وشيت ولا عمره ارقد في قايلة ولا يطلع من الحوش ولا عمره مشي لقهوة باش ياخد ارقيلة و يقرا و يتم في المنهج قبل الامتحان ويراجع فيه
وتوقعه خاش حتى في دورات وفي جميع المواد
احنا مانبوش نحسدوه ان شاء الله ربي يوفقه وينجحه من الاوائل لكن نبوه معاش يكدب علينا بس.....
ونسأل الله السلامة
ــــــــــــــــــــــــــــــــــ
هدا القرءان يوحدنا.. لطريق الخير يوجهنا
الله تعالى أنزله ...ورسول الله معلمنا
الرئيسية
التسجيل
دخول
الخميس سبتمبر 16, 2010 3:01 pm
