لو كان تعرف شحال كنت نبغيك

لو كان تعرف شحال كنت

نبغيك يا عمري

ومتمنياك باش تكون ليا في قلبي

مزالني مخبياك

والله تروح لطرف الدنيا

الله غالب الفراق جا من عندك

ونت بلا سباب غدرتني

خليتني حتى والفتك

وفي لحضة وحدة هجرتني

انا صح كنت بقلبي نحبك

كنت نخاف نغلط ونجرح

انا قلبي عليك ميهنيني

كاع اللي صار ومزال منسيت

مزال عاقلة عليك يا اللي نسيتني

جرحتني يا عمري الجرح اللي

ميبراش ونا لي جرحني

طول عمري منساهاش


كيفاش نسا النهار اللي فيه

رخصتني

كنت بقدري واليوم وليت عندك

منسواش

نار قلبي شعلت دموعي متهداش

واش من شر عملتو فيك

حتى بكيتني

طلبت الفراق بلا منعرف علاش

وغير بلا سباب روحت

ربي عالم

حتى حاجة عليه متخفاش

ويجيب ليك السبة اللي بها تفكرني

لو كان لو كان تعرف

شحال كنت نبغيك

مي بروبليم نتايا متعرفش

لو كان تعرف شحال كنت متمنياك

طول عمرك فيا متسمحش

مزالني نحبك وفي القلب مخبياك

وفيك يا عمري حتى حاجة متنسينيش

وين هو الماضي علاش

علاش متفكرش

شحال من مرة مسحت ليك الدموع

من عينك نقولك خليني نبكي

منين نتايا متبكيش

وقفت في كتافك

في الشدة

ومنتاش عارف شحال كنت نحبك

انا كنت نركد وخيالك بين عينيا

الناس راكدة ونتا ساهر مع خيالك

نخايلك مخدة نزيرك بيديا

نتايا صح مهبول وزاد هبلني

هبالك

ومينن هبلتني في لحظة

غبت عليا

علاش بين ليلة ونهار

نقلب حالك

بعتني بالرخيص روحت

سمحت فيا

عجباتك الدنيا فغفي هواها داتك

الدنيا صح غدارة

مبقات فيها نية

يا حصراه على زمان يوم

عرفتك كيف نتفكرك تلعب

الدموع في عينيا

تفكر وتفكر شحال وصيتك

قلتك غير دير الامان

في هاد الدنيا

الدنيا هجالة تدور وتغدرك

وفي الاخير كاع تبقا للحسود شفاية

والبروبليم واش من شر عملتو فيك يا النكار

كاع الشي اللي طلبتيه عطيتو ليك

انا والله والله مكنت نضن

فيك غدار

كنت نظنك كيف تمنيتك

صقسي عليا الناس تحكيلك

خسارة هاد شي لي ضنيتو فيك

خسارة

وصح راني ندمانة لاش حبيتك

كيتك بقات في يدي امارة

اليوم فراقتني راني صابرة

يا عمري انا قلبي بيض

يا عمري منيش حاقدة عليك

راني غير مع الموجة نبكي طرف البحر

ونطلب في ربي باش اهنيك

ونا من زمان شادة في صابر

انا قريت النية في محنة

رماتني في بحر

عشت كيف الطير المفقود

ونطلب في السلاك من العديان

وكيف ايجوع السبع يعود يطمع

في الفار

هدا وين قريت وعرفت مقداري

قريت مكتوب الزمان

وعالجت بهموم قلبي

كل ضراري

عفست على قلبي وخديت قراري

لو كان تعرف شحال كنت

نبغيك يا عمري[ندعوك للتسجيل في المنتدى أو التعريف بنفسك لمعاينة هذه الصورة]

للاسف كنت نبغيك يا الياس شكرا اميرة

شكرا لك لى القصيدة الرائعة

مشكووووورة على القصيدة الرااااااااااااااااااااائعة