تعبت اكذب على نفسي

تعبت أكذب على نفسي وأمني خاطري بالقاك
وأقول انك على عهدي وميثاق الهوى باقي

تعبت أمشي ورى حلمٍ خذلني يا غلا وياك
أنا وش لون باطوي البعد وانته تنشد فراقي

تمنيتك تجي تاخذ بقايا طيف من ذكراك
يناوش فكري الساهي وينبش داخل أعماقي

رحلت ولا تركت اللي يهوّن غيبتك وبطاك
خذاك البعد عن عيني وكلك ساكن احداقي

نثرت حروف من شعري تنادي لك هنا وهناك
عسى يا عل تقراها وتشفي جرح دفّاقي

حزينة مغرمة بطيفك هجرها فرحها بفرقاك
لأنك مصدرالهامي وعشقي وباقي اشواقي

كتبت ولا دريت ان الزمن عن حبنا الهاك
غريبة شلون هالدنيا قوَت تنسيك تشتاقِ

قصيدي بالوله والشوق يرسم لهفتي إلقياك
عساها وين ما حلّت تعانق ذوقك الراقي

سنين تمر من عمري وانا مالي سوى رجواك
تعال احضن بقايا العمر ياعمري الذي باقي

تعبت أكذب على نفسي وامني خاطري لقياك
واقول الحلم يتحقق تجي وتحرر وثاقي

اتمنى ان يتحقق حلمك معمن تتمنى اخي الياس بارك الله فيك

ولكن لماذا تكذب على نفسك صارحها بالحقيقة

هل فعلت ذلك؟

» تعبت ( قصيدة البحر )/ كاظم الساهر
» توبي يا نفسي
» كيف اغير نفسي في رمضان
» انا قلت وقررت وحكمت على نفسي
» موقف مؤثر عن الرسول (ص) أثر في نفسي