افضل طريقة لطردك من المدرسة ..لاكن لاتطبقوها اوكي

هذا الموضوع قريتو في احدى المنتديات و نقلتولكم طبعا بعدما رجعتو للهجة الجزائرية



وهو عبارة على طرق للي ماهمش حابين يقراو



و حابين يزعكوهم من المؤسسة التربوية و هي مضمونة مية بالمية



1/ ادخل القسم روطار و ماتلتاش بالاستاذ و ما تنساش تتكسل كيما لاستيك


2/ حط رجل فوق رجل و قولو ماعليش تحملني شوية برك


3/ اجبد الباكي تاع الدخان و قولو اعطيلي البريكا نسيت تاعي في الدار


4/ اذا عيط الاستاذ على التلاميذ و وصل لاسمك قولو هاذا هو اسمي بصح المرة الجاية كي تنطق اسمي انطقو بظرافة


5/ كي يعود الاستاذ يشرح في الدرس قولو لا لا راك غالط انا ما فهمنيش فيه الاستاذ الخصوصي هكذا _ ما عليش اذا كان صحيح و قولو باه يتنشع _


6/ قول للاساتذة ما يبداوش يشرحو فالدروس حتى تحضر و قولهم يتاكدو بلي الفترة الصباحية راك ما تروحش تقرا خاطر راك ما تقدرش تنوض بكري


7/ قول لاستاذ الرياضة انك مواظب على التمارين الرياضية مع برنامج " ما الك الا هيفا "


8/ خلي البورتابل تاعك يصوني كل 5 دقايق و قول للاستاذ هاذي مكالمة ضرورية لازم تهدر


9/ هز يدك و كي يسمحلك الاستاذ باه تهدر قولو والو كمل الدرس


10/ كل شوية سقسي زملائك كاينة ريحة ماشي مليحة فالقسم و لا راك غلطان


11/ بدون مقدمات ابتسم و مبعد كهكه و كي يسقسيوك علاه راك تضحك قلهم و نتوم وش دخلكم ؟


12/ كي يسقسيك الاستاذ على الوظيفة المنزلية اعتذر لو و قولو بلي كنت نتفرج فيلم جديد و ماقدرتش تراطيه و راك غرافيتلو واحد لانو يستاهل


13/ و كل 2 و لا3 دقايق استاذن تروح تشرب و لا تغسل يديك و لا قول بلي راك دخت


14/ قول للاساتذة تاعك كي يقربو الامتحانات انك مريض باقلب و عندك فشل كلوي و الضغط حتى يحددولك الاسئلة و توجدهم فالدار


15/ كي تعود قريب تسوني باه تروحو اسالو سؤال صعب و كي يعود رايح يجاوبك اخرج و خليه



و تاكد انك ما تزيدش تقرا خلاص و لا حتى في مؤسسة

[center]

شكرا لك موضوع في قمة الروعة

بارك الله فيك